Mate Gurturen PLEa

Hauxe da gehienbat erabiltzea dudan PLEa Symbaloo plataforman adierazita...

NIRE PLE

Nire PLE-a

Gaur egun Lehen Hezkuntzan ari naizen arren, orain arte euskara irakasle lanetan aritu naiz gehien bat. Horregatik, nire PLEa eduki bilaketa horien arabera baldintzatuta dago oraindik. Ea zer iruditzen zaizuen.

Esti

Galderen erantzunak

Glogster honetan ikastaroaren atazak ziren galderen eta erantzunak laburbiltzen dira. Elkarrekin bat eginda blogera sarbidea erdian kokaturik...

Elkarrekin Lanean Aritzea eta Edukiak Partekatzea

Irakasleon PLEaren azken atala da bildutako eta aberastutako informazioa partekatzea eta horretarako hainbat estrategia eta tresna aski ezagunak ditugu.

Eskoletan edukiak Sarean elkarbanatu ohi ditugu, eskola barnean geratzen direla, baina gaur egun, batez ere Google zerbitzuei esker, geroz eta gehiago dira Drive edota Site-kin lan egiten duten irakasleak.



Bada, hala ere, Google-z haratagokorik. Gure edukiekin zer egin nahi dugun arabera, estrategia itxiagoa edo zabalagoarekin sortu dezakegu edukien difusioa, hau da, irismen handiagoa edo txikiagoa nahi dugun galdetuz gure buruari.

Hala, aukeran izango dugu, edukiak gure lankideekin, ikasleekin nahiz ikasleen gurasoekin konpartitu nahi izatea, edo baita beste irakasle komunitatearekin nahiz publiko zabalarekin. Kontuan izango ditugu, orduan, irismen diferente hauek direla eta sare sozial bat ala beste erabiltzea egokiago izango zaigula.

Demagun, adibidez, ikasleekin edukiak partekatu nahi ditugula, horretarako hezkuntza komunitate itxi bat sortuz. Horretarako, guk ikastarorako duguna bezala, Google+ erabil genezake, baina baita Edmondo bezalako plataformak ere, non baliabide pedagogikoekin konta dezakegun. Zer

Bestalde, irakasleen arteko harremanak sustatzeko, ordea, LinkedIn profesional eremurako nahiz TheCapsuled hezkuntzari dagokiona ere erabil genitzake. Hauetaz gain, badira beste hainbeste sare, beraz, gure perfilari hoberen dagokiona topatzea izango da erronka.

Aukerarik zabalenak eskaintzen dizkigutenak dira Twitter eta Pinterest, adibidez, edo Facebook bera ere (aukeratutako pribatutasunaren arabera).

Entorno Personal de Aprendizaje y Redes Sociales en Educación from Elena Rodríguez Jiménez


Sarean publikatzeaz gain, elkarrekintza sustatu eta saretik bertatik ikasi ahalko dugu, etengabeko elikatze pertsonalizatua eta eguneratua osatuz. Sare pertsonal honi deitzen zaio Ikaskuntzarako Sare Pertsonalizatua edo Personal Learning Network, eta ezinbestekoa izango da PLEa aurrera eramateko garaian.

Will Richardson-ek dion bezala, ikasgelatik ateratzeko aukera ematen digun ingurua da honakoa, mundu mailako edukiekin, tresnekin eta hizkuntzekin harremanetan jartzen gaitu eta informazio eguneratu, independiente eta errealagoarekin lan egiteko aukera ematen digu.

Esti

Ze tresna eta ze estrategia erabili behar ditu irakasleak informazioa sintetizatzeko eta eduki multimedia sortzeko garaian?

Hainbeste tresna eta estrategia daude informazioa sintetizatzeko eta eduki multimediak sortzeko non zaila baidugu aukeratzea zein aproposena: Tagxedo, Symbaloo, Drive, Sites, Diigo, Cmaps, Blog-ak, Pinterest, Twiter, Classroom, infografiak egiteko Piktochart.

 Nik uste dut ikastetxe bakoitzak batzuk hobetsi beharko lukeela lan egiteko.Horrez gain, gero irakasle bakoitzak hauta ditzake bere gustukoenak, bere ikasgairako aproposenak.

Horretarako eta baliabide guztiak ordenatuak, sailkatuak eta eskura izateko Symbaloo oso egokia ikusten dut. 

Aurkezpenak, bideoak, mapa kontzeptualak, eskemak, denbora lerroak, infografiak, irudiak eta dokumentuak gordetzeko dauden herraminten ikurrekin bideotxo bat montatu dut. Horretarko ikastetxean asko erabiltzen den "fotos narradas" programa erabili dut.

Youtubera igo dudanean audioa ixildu didate erabilitako musika copyrighta zeukalako beraz,berriro editatu behar izan dut bideoa eta musika egokia ipini ondoren orain uste dut ondo ibiliko dela.

Padlet baita erraminta potentea izan daiteke informazioa sortu, sintetizatu eta partekatzeko, batez ere, taldeetan egin beharreko lana denean, izan ere, bakoitzak bere ordenagailutik unean bertan informazioa berriztu eta elkartruka dezake. Hurrengo adibidean, azaltzen den bezala, non irakasleak planteatutako informazioari ikasleek euren informazioa gehitu dioten taula berdinean dena erakutziz.

Irakasleak informazio bila

Ze tresna eta ze estrategia erabili behar ditu irakasleak informazioa biltzeko garaian?

Konpetentzia digitala garatuta daukan irakasleak ezinbestekoa du informazioa bilatzeko estrategia eta tresna zehatzak ezagutzea. 

Lehenik eta behin, nabigatzaileak ditugu, ordenagailuetan interneterako sarrera ematen diguten aplikazioak, euren bitarten lortzen baitugu informazioa eskuragarri izatea. Ezagunenak hauen artean Internet Explorer, Google Chrome eta Mozilla Firefox dira, hala ere, beste sistema operatibo batzuekin lan egiten duten Safari eta Opera, nahiz Microsoften Edge ere erabil daitezke. Hauetatik denetatik zein den onena zaila da erabiltzaile arruntarentzat jakiten, baina honako artikulu honetan aplikazioak erabiltzen duen baliabide kopurua, kargatzeko abiadura eta bestelako argibide interesgarriak ageri dira, erabaki onena har dezagun, kasuan kasukoa.

Hauen bitartez, sareak dituen baliabide biltegietara sar daiteke irakaslea, baina lehendik beste artikuluetan aipatu dugun bezala, garrantzitsua da erabiltzaile orok nahi duena non eta nola bilatu behar duen jakitea, baliabide biltegi egokiena erabiliz eta infoxikazioa ekidinez. Horretarako, adibidez, badira:

• Bideo biltegiak: youtube, vimeo, nahiz hezkuntzan espezializatutako TEDak.
• Irudi biltegiak: pixabay, wikimedia eta halakoak, baina baita CreativeCommons-eko bilatzaileak edo BlueMountains CC bilatzailea.
• Blogak: geroz eta ugariagoak eta anitzagoak, edonork sor baitezake halako bat, beraz, berebiziko garrantzia izango du hezkuntzan erreferentziatzat diren blogak eta beste edonorenak kontsultagai izatea, adibidez, euskara irakasleentzat Maite Goñirena oso erabilgarria bihurtu da.
• Musika eta soinu biltegiak: soundcloud da, adibidez, guk eskolan erabiltzen duguna, audioak partekatu eta sortzeko, podcast bidez. Baina eman nahi zaion erabileraren arabera, jamendo, ivoox, spotify eta halakoak ere erabil genitzake.
• Hezkuntzarako Objektu Digitalen biltegiak: baliabide digitalak sortu ondoren sarean argitaratzeko erabiltzen diren plataformak dira, beste erabiltzaileek erabili eta aldatu ditzakete bertako produktuak, elkarlanean ikasiz. Procomun, Agrega2... biltegi ezagunak dira.
• MOOC ikastaroak: Ikastaro online ireki eta masiboak dira, doakoak, non milaka ikaslek nonnahi eduki zehatzak ikasi ditzaketen. Gaur egun geroz eta instituzio gehiagok parte hartzen dute MOOCak antolatzen (Hezkuntza Ministerioak - INTEF, UNEDak...) eta nazioartean ere ospetsuak dira. Interesatzen zaigun ikastaroa topatzeko Coursera eta MiriadaX guneak erabil ditzakegu.

Hezkuntzari zuzenean lotuta dauden baliabideak bilatzaile orokorren bitartez ere bila ditzakegu, nahiz eta eremu zabalean nahi dugun edukin zehatza topatzea zailagoa gertatzen den. Horretarako, hala ere, garrantzitsua da bilatzaileek (google, ask, yahoo...) nola lan egiten duten jakitea. Ikusi azalpena bideo honetan:

Hauek denak informazioa biltzeko estrategiak eta tresnak dira, eta ikusten duzuenez, eremu zabala da bilatzearena. Horregatik da horren garrantzitsua iturri fidagarriak topatu eta horiek sailkatzea. Pinterest sare soziala, informazioa bilatzeko balio izateaz gain, edozein motatakoa, informazio hori paneletan gordetzeko balio digu. Gurea osatzen goazen bitartean, gaiari lotutako Dani Losada irakaslearena lotuko dugu.

Esti

Estik esandakoa era eskematikoan ikusi ahal izateko, ikusi honako aurkezpena:

Bideoa ez dago ondo, eta konpontzen saiatu arren, arazoak ematen ditu programak berak. 

Barka eragozpenak

Laida

Infoxikazioa: edukien hautaketa. Infografia.

Egin klik irudian PDFa irekitzeko

Identitate digitala eta gaitasuna digitala

Identitate digitala sarean geure buruari buruz ematen dugun informazioaren multzoa dela. Izan ere, nahi edo nahi ez, guzti horren pilaketak errealitatetik hurbilago edo urrunago dagoen irudi bat eskaintzen dio irakurle, jarraitzaile eta jasotzaileari.

Hori dela eta, kontuan izan behar da zein izango den gure identitate horren helburua, kasu honetan, ikasle-irakasle harremanak bideratzeko medioa. Horregatik, gomendagarritzat joko nuke norbera eta bere inguru hurbileko zirkulutik aldentzen den identitate berri baten sorrera, ikasleekin parteka daitekeena askatasun osoz eta inguruko pertsonak konpromezuan jarri gabe.

Argi eta garbi izan behar dute egoera berdina ikasleek, izan ere planteamendu berdinaren aurrean aurki daitezke. Lanerako identitate bat komeni zaie, eskolarako beste bat eta lagun artean ibiltzeko hirugarrena. Agian, familiarekin erlazionatzeko ezberdina ere nahi izango lukete.

Laburbilduz, identitate digital egokia sortzeko orduan kontuan izateko galdera nagusia hurrengoa da: Zein da helburua? Zein da horretan lagun nazakeen ingurunea? Horri erantzunez identitate digital egokia sor dezakegu beharrei erantzuteko.

Gaitasun digitalari buruz ulertu beharreko garrantzitsuena berak bakarrik inolako konpetentziarik garatzeko balio ez duela, ordea, beraren laguntzak beste konpetentzia guztiak garatzeko bitarteko ezinbestekotzat jo behar dugula. Izan ere, edozein ikuspuntutik ikusita ere onuragarriak diren egoerak baliosten ditu, arriskuak kontrolpean mantentzen baldin badira. 

Horretarako, ondoren agertzen diren eta heziberrin planteatzen diren gaitasunak izan behar ditu irakasle orok modu arduratsuan baliabide digitalen erabilera egiteko edozein oinarrizko konpetentzia lortzera doan ikasle bat bideratzeko. Modu honetan, zuzenean lor ezingo genituzkeen baliabideak jaso ditzazkegu, pertsona batek beregan ezin litzazkeen jakintzadun pertsonekin komunikatu gaitezke, denboran modu errepikakor batean erabil daitekeen edukiak sor daitezke, guzti hori segurtasunez eta arazoak ebazteko erabiliz. 

Infoxifikazioari buruzko gogoeta:

Hainbat artikulu eta bideo ikusi ostean, argi dago infoxifikazioa gure eta gure ikasleen bizitzaren parte dela. Ez da erreza horri aurre egitea, baina gure betebeharra dela deritzot ikasleei irakastea informazioa kudeatzen eta erabiltzen. Hori dela eta, gure klaseetan informazioa kudeatzeko moduak irakastea egokia izango litzateke, baita informazioa non bila dezaketen esatea ere.

Halaber, gure ikasgaiarekin lotutako weborriak zeintzuk diren jakinarazi beharko genieke. Horrez gain, klasean baliagarriak diren hainbat aplikazioren berri eman beharko genieke. Modu horretan, ikasleek ikasitakoa praktikan jartzeko aukera edukiko lukete, eta aldi berean, ikusiko lukete erabilpen egoki batek duen ondorioak.

Horretaz aparte, teknologia gehiei edota oker erabiltzearen ondorioak jakinarazi beharko genieke, eta horretarako gu izan beharko ginateke horren eredu. Gainera, gurasoak ere planteamendu honen partaide bihurtu beharko genituzke, etxean eredu onik gabe ezin baita aurrera eraman inolako proposamenik edo ekimenik. 

Laburbilduz, informazio gehiegi jasotzen dugu egunero, eta informazio hori sailkatzen ikasi behar dugu. Horretarako erraminta egokiak eman behar dizkiegu ikasleei beraiek autonomia osoz informazio ona eta txarra bereiz dezaten.

Beno taldekideok, hauxe da nire iritzia. Zuenak espero ditut!

Laida

PLE: Erantzun beharreko galderak

Kaixo, taldekideok.

Lehen sarrera honetan, ekar ditzagun gogora hurrengo asteetan erantzun beharko ditugun galderak:

1. Nolakoa izan behar da XXI. mendeko irakaslearen identitate digitala eta gaitasun digitala?
2. Nola egin diezaioke aurre egungo infoxikazioari?
3. Ze tresna eta ze estrategia erabili behar ditu irakasleak informazioa biltzeko garaian?
4. Ze tresna eta ze estrategia erabili behar ditu irakasleak informazioa sintetizatzeko eta eduki multimedia sortzeko garaian?
5. Ze tresna eta ze estrategia erabili behar ditu irakasleak lankideekin elkarrekin aritzeko eta edukiak partekatzeko garaian?

Gogoratu honakoak banan-banan erantzuteaz gain, bai Google+ bai Moodle-n gailu ezberdinak erabiltzen ari garela frogatu beharko dugula, elkarri lagunduz eta ikusentzunezko hizkuntza ezagututa.

Helburuak bistatik ez kendu eta aurrera!

Esti